Бухто Южно-Сахалинск олан Макаровский районыштыжо Терпений заливыште верланен. Тыште кугу толкын огеш лий, йырваш шып, садлан тудлан тыгай лӱмым руш путешественник Иван Крузенштерн пуэн.
Кугу верым вулканический породан тура кӱ курык айла. Тушто теҥыз шуанвондо, пӧчыж, курильский бамбук, термопсис, аралий, мертензий кушкыт. Тихая бухтышто кок памаш уло, но тушеч вӱдым йӱаш огыт темле. Тыгак тыште икмыняр вӱдшуҥгалтыш верланен. Вӱд воктене 20 метр наре ошма сер шуйналтын. Кугу шторм деч вара тушто верысе янтарьым – сахалинитым – погат.
Заливыште вӱд 1,5 метр келгытан гына, садлан кеҥежым тудо 20 градус шокшо марте ыра. Тиде пагытыште тыште сёрфингист-влакым чӱчкыдын ужаш лиеш.