Кӱлыт: 0,5 кг шоган, 0,5 кг кешыр, 1 кг баклажан, 1 кг шере пурыс, 2 кг помидор, 1 кугу совла шинчал, 1 кугу совла сакырложаш, 100 г 9%-ан уксус, 200 г нӧшмӱй.
Пакчасаскам мушса, эрыктыза. Шоганым шолдыра тыртыш, кешырым кӱжгырак тыртыш, баклажаным пелтыртыш семын, пурысым кужу кутышын да помидорым икмыняр ужашлан ыштен пӱчкедыза.
Казаныш пакчасаскам лончо дене оптыман: шоган, кешыр, баклажан, пурыс, помидор. Тушко шинчалым, сакырложашым, уксусым да нӧшмӱйым ешарыза да шолаш пуртыза. Изи тулышто 35-40 минут шолтыза, пудыратыман огыл. Тулым чарымеке, салатым варыза да шокшынек стерилизоватлыме банкылаш оптыза, кӱртньӧ петыртыш дене петырыза.
freepik сайт гыч налме фото.