- Ӱян коваштым сирень лосьон дене йыгаш пайдале. Ик стакан ош аракаш кок изи совла сирень пеледышым пыштыза да пычкемыш верыште 14 кече шинчыктыза. Вара марле гоч шӱрыза, 10 стакан вӱд дене варыза, 1-2 чӱчалтыш лаванде але чай пушеҥге эфир ӱйым ешарыза. Чыла сайын лугыза. Ты лосьон дене шӱргым эрдене да кастене эрыктыза.
Тыгак шоҥгемаш тӱҥалше коваштылан сирень гыч тоникым ышташ лиеш. Тидлан висвис пеледышым, мелиссам, пӱртньыкым, сирень пеледышым ик совла дене налза. Термосыш шолшо вӱдым, эм шудо-влакым пыштыза. Ик шагат гыч вартышым марле гоч шӱрыза, йӱкшыктарыза. Ты вӱд дене чурийым эрыктыза.