«Армян» маринад
Кӱлыт: сӧсна шыл, 1 стакан нӧшмӱй, 600 г шоган, 1 кугу совла кориандр, 1 изи совла хмели-сунели, пел изи совла тыгыдемдыме шем пурыс, 2 изи совла шинчал, чывыштыш сакырложаш.
Нӧшмӱйыш оҥго семын пӱчкедыме шоганым пыштыза, кӱшнӧ ончыктымо специй-влакым ешарыза да сайын лугыза. Ты маринадыште шылым 2-3 шагат шинчыктыза да кӱктыза.
Шоган да кефир маринад
Кӱлыт: 1 кг шоган, 300 мл кеч-могай процентан кефир, ик чывыштыш сакырложаш, пел изи совла йоҥыштымо шем пурыс, 4 пӱй чеснок, 2 изи совла шинчал, 2-3 петрушко лышташ.
Кефирыш тыгыдемдыме шоганым, чеснокым, петрушкым пыштыза. Сакырым, пурысым, шинчалым ешарыза да сайын лугыза. Шылым ты маринадыште сайын лугыза, 2-3 шагат шинчыктыза да кӱктыза.