Кӱлыт: 1 кугу совла какао, 300 мл шӧр, 10 г желатин, 3 кугу совла сакыр, 1 пакет ванилин. Сӧрастараш тӱрлӧ емыжым, фруктым кучылташ лиеш.
100 мл шӧрыш желатиным пыштыза да лӧчаш шындыза. Кодшо 200 мл шӧрыш какаом, сакырым, ванилиным пыштыза, сайын лугыза. Желатинан шӧрым тул ӱмбаке изишлан ыраш шындыза. Шӧр шолаш пурышаш огыл, желатинын шулымыжым гына вучыман. Ты вартышым тул ӱмбач кораҥдыза да какао йӧршан шӧрым ешарыза. Чыла сайын лугыза, вартышым стаканыш але фужерыш темкалыза да холодильникыш йӱкшаш шындыза. Кочмо деч ончыч фрукт але емыж дене сӧрастарыза.