Помидор шукырак лийже манын, борный кислотан вӱдым шыжыкташ пайдале. 10 литр леве вӱдыш 10 г борный кислотам пыштыза, сайын лугыза да помидор ӱмбак шыжыктыза.
Помидор тамле таман лийже манын, кушкыл йымак ломыжым шаваш лиеш. 1 кв метрлан 3-4 совла ломыж кӱлеш. Ӱяҥдышым пуымо деч ончыч кушкылыш вӱдым шавыман.
Тыгак помидорлан тувыртышвӱд пайдале. 10 литр леве вӱдыш 1 литр тувыртышвӱдым, 20 чӱчалтыш йодым пыштыза, лугыза да кушкыл йымак шавыза.