Икана акаж ден шӱжарже памашыш вӱдлан воленыт. Воктекышт шоҥго кочай толын да вӱдым коштал пуаш йодын. Ӱдыр-влак шоҥгыеҥын йодмыжым тыманмеш шуктеныт да тутло когыльо дене сийленыт.
Кочай юзо виян улмаш. Тудо ӱдыр-влакын эн кугу шонымашыштым шукташ лийын. Нуно авашт деч каҥашым йодаш суртышкышт куржыныт.
Авашт нунылан тыге вашештен:
– Поянлыкым ида йод, коктынат сай пелашым йодса. Теве мыйым ончалза: ачада ик ганат уда шомакым пелештен огыл, эре тыматле, садлан мый моткоч пиалан ӱдырамаш улам.
Ака ден шӱжарже шоҥгыеҥ дек угыч миеныт да сай ӱмыр пелашым йодыныт. Илыш мучко, ойгым палыде, пиалан ӱмырым иленыт.