Илыш умылымашым рашемдаш манын, психолог-влак «Илыш-рюкзак» упражненийым ышташ темлат.
Яндар кагазеш рюкзакым сӱретлыза. Тудо тендан илышдам ончыкташ тӱҥалеш. Мо тендан рюкзакыштыда кия? Эн волгыдо але шӱлыкан илыш шарнымашда-влак могай улыт? Нуным кагазыш возыза. Кудыжо илыш-рюкзакыштыда кугу верым налеш, кудыжо изиракым?
А ынде шоналтыза, пуйто те кажне кечын тиде рюкзакым тупыш сакен коштыда. Мом шижыда?
Сӱретым эше ик гана сайын ончалза. Тиде илыш-рюкзакыш иктаж-могай у шарнымашым, шонымашым пыштынеда мо? Можыч, тушеч иктаж утыжым луктын кудалтынеда?
Ме эртыше пагытым чӱчкыдын уэш-пачаш шӱгынчына. Тидын годым уда шарнымаш, тургыжланымаш илышнам чот нелемдат. Садлан нуным рюкзак гыч луктын шуаш жап толын шуын.
Эше ик рюкзакым сӱретлыза. Ончыкылык илышдам могайым ужнеда, тугай событий але шижмаш-влакым рюкзакышкыда оптыза. Шарныза: шке илышдам те гына вашталтен кертыда!