Поланвондо озажлан вийым ешара

Кугезына-влак поланвондым сурт пелен ожнысек шынденыт. Тудо ешым, оралтым уда еҥ, осал шӱлыш деч арала манын ӱшаненыт. Тиде кушкыл дене ятыр калык пале кылдалтын.

Самырык мужыр сӱан деч вара пӧрт воктене поланвондым шында гын, ешыште вашумылымаш, пагалымаш, йӧратымаш лийыт, икшыве-влак таза кушкыт.

Сӱан годым полан укшым самырык-влакын ӱстелышкышт пыштеныт. Тыге еш илышышт пиалан лиеш, маныныт.

Самырык поланвондо озажлан вийым ешара. Шӱлыкан, ойган улмо годым вуйым поланвондыш тушкалташ гын, илыш саемеш.

Ожно ӱдыр йочам мушмо вӱдыш икмыняр пырче поланым пыштеныт. Тыге тудо мотор, таза да пиалан лиеш манын ӱшаненыт.

Полан шӱшер да поланвондо шӱм гыч ыштыме амулет интуицийым вияҥдаш полшат.

Шинчавочмо, локтымо деч аралалташ манын, кӱсеныште коштымо поланым коштыктат. Тыгак тудо шийвундо перкем ешараш полша.

Иктаж кӱлешан вашлиймашыш кайыме годым кӱсеныш икмыняр полан пырчым пышташ гын, чыла шонымо семынак лиеш.