—Шыгыльышудо пакчаште тӱрлӧ копшаҥгым пытараш полша. Ныл шыгыльышудым вожге лукса, ӱмбакыже 10 литр вӱдым темыза. 15-20 минут шинчыктыза. Ты вӱд тлям пытара, кушкыллан вияҥаш полша.
— Шыгыльышудо вӱдыштӧ гладиолусым, тюльпаным шинчыкташ гын, пеледыш-влак шагалрак черланат. 10 литр вӱдыш 300 г коштымо шыгыльышудым пыштыза. Ты вӱдыштӧ пеледыш шоганым 2 сутка кучыза, вара коштыза да мландыш шындыза. Тиде вӱдым гладиолус ден тюльпанын кушмышт годымат шаваш лиеш.
— Саскам пуышо вондын вожшым коля деч аралаш манын, йырже коштымо шыгыльышудым оптыза.