Кӱлыт: 1 кг кавун, 200 г ӱмбал, 3 муно, 6 кугу совла сакырложаш, 6-7 кугу совла манный шӱраш, 30 г ушкал ӱй, 1 пакет ваниль сакырложаш (15 г).
Кавуным эрыктыза да шолдыра тёрко гоч нӱжыза. Запеканке кум лончан лиеш, садлан кавуным кум ужашлан пайлыза. Салмам ӱй дене йыгыза да пундашкыже манный шӱрашым шавалтыза.
Кавуным салмаш тӧр оптыза, ӱмбакыже 2 кугу совла манный шӱрашым да 2 кугу совла сакырложашым шавыза. Тыге эше кок лончым оптыза.
Ӱмбакыже муно да ӱмбал заливкым шарыза. Тидлан муным, ӱмбалым да ваниль сакырложашым сайын лугыза да кавун ӱмбак опталза.
Запеканкым 180 градус марте ырыктыме коҥгаште 40 минут кӱктыза.