Чурий коваштым ошемдаш да чӱнча-влакым шагалемдаш полан маске полша.
Ик муношо ден ¼ стакан полан сокым иктеш сайын лугыза да 30 минутлан чурийыш йыгыза. Вара юалге вӱд дене шӱалтыза. Ты маскым кажне кечын кок арня ыштыза.
Ӱп ынже його да таза лийже манын, 2 кугу совла полан сокыш 1 кугу совла оливке ӱйым, тынарак йошкар аракам пыштыза да сайын лугыза. Тиде вартышым кукшо ӱпвожыш йыгыза да 30 минут кучыза. Маскым шампунь да леве вӱд дене мушкын колтыза.
Полан сокым кылмыкташ да ий падыраш дене чурийым кажне эрдене йыгаш гын, куптыр, чӱнча, арава шагалемыт.