Артрит годым клевыр вартыш полша. Тидлан ик стакан шолшо вӱдыш 2 кугу совла коштымо клевырым пыштыза, шинчыктыза. Тиде вӱдым кече мучко изин дене 3-4 гана йӱза.
Вӱрыштӧ холестериным шагалемдаш манын, 1 литр шолтымо вӱдыш 20-25 клевыр пеледышым пыштыза да 20 минут наре шинчыктыза. Марле гоч шӱрыза да кече мучко изин дене йӱза.
Анемий годым ик стакан шолшо вӱдыш 20 г коштымо клевыр пеледышым пыштыза. Ик шагат шинчыктыза, марле гоч шӱрыза да, ныл ужашлан пайлен, изин-изин йӱза.
Клевырым мӱшкыран ӱдырамашлан, шӱм, пагар, вӱргорно чер улмо годым йӱаш огыт темле.