— Иммунитетым пеҥгыдемдаш манын, пызлыгичке чайым йӱаш пайдале. Ик стакан шолшо вӱдыш
2 кугу совла пызлыгичкым пыштыза, петыртыш дене петырыза да ныл шагат шинчыктыза. Ты чайым эрдене да кастене пел стакан дене подылза. Тамлырак лийже манын, пел изи совла мӱйым пышташ лиеш.
— Мел шелме годым календул вартышым йӱаш лиеш. 0,5 литр шолшо вӱдыш 2 кугу совла коштымо календулым пыштыза да ныл шагат шинчыктыза. Лемым марле гоч шӱрыза да кечылан кум гана пел стакан дене йӱза.
— 1 стакан шокшо вӱдыш 1 кугу совла коштымо чабрецым пыштыза да шолташ шындыза. Вӱдын шолаш пурымекыже, тул ӱмбач кораҥдыза да ик шагат шинчыктыза. Тиде вӱдым кечылан кум гана 1 кугу совла дене подылза.