Кӱлыт: 4 муно, 130 г ветчина, 100 г пеҥгыде сыр, жаритлаш нӧшмӱй, сӧрастараш петрушко.
Ветчинам изи рожан тёрко гоч нӱжыза. Муным посна атыш тӱчыза да вилке дене лугыза, муношо ден муноптем иктеш варалтшаш улыт. Ик муно дене тӱчен да луген жаритлаш гын, мелна кӱжгырак лектеш. Салмам ырыктыза да нӧшмӱйым шӱралтыза. Ямдылыме ик порций муным мелна семынак салма мучко йыгалтен пыштыза. Ик муным 1-2 минут жаритлыза. Вара тудым савырыза. Покшекыже ветчинам да сырым ешарыза. Вич вичкыж але ныл кӱжгӧ мелна лектеш. Кӧргым сандене 4-5 мелналан пайлыза. Вара кӧргашан мелнам конвертик семын ыштыза. Тӱржым петыраш манын, совла дене иктаж 10-15 секунд темден кучыза. Вара кӱшыл ден ӱлыл ужашламат тодылмо семынак ыштыза. Конверт семын койшо мелнам эше 20-30 секунд жаритлыза. Сӧрастараш петрушкым кучылташ лиеш.
