Помидор озымым теплицыш кусарен шындымек, 2-3 арня гыч нуж ӱяҥдышым шаваш лиеш. Нужышто калий, магний, кальций уло.
Келшыше атыш пелыж наре нужым оптыза, ӱмбакыже вӱдым тӱр дене тӧр темыза. Тиде вартышым кечан верыш 10 кечылан шындыза. Вӱд шемемеш, шоҥ лекмым чарна гын, ӱяҥдыш ямде. 10 литр вӱдыш 1 литр нуж ӱяҥдышым пыштыза да помидор росоташ шавыза.
Помидор озым сайын кушшо, таза лийже манын, янтарный кислота вӱдым шыжыкташ пайдале. Тидлан 10 литр вӱдыштӧ 2-3 таблетке янтарный кислотам шулыктарыза да кушкыл ӱмбак шыжыктыза.
Тыгай ӱяҥдыш шоганлан, чесноклан, пурсалан, кешырлан да йошкарушменлан келшен огыт тол.