Ӱян коваштылан нуж лосьоным ышташ пайдале. Тидлан 100 мл ош аракаш 1 кугу совла нуж сокым пыштыза, сайын лугалтыза. Тыгай лосьон дене чурий коваштым эрдене да кастене эрыктыза.
Тыгак нуж сок ӱп йогымо годым пайдале. Тудым ӱпвожыш йыгыман. Ӱп сайын кушшо манын, нуж вӱд дене шӱалташ лиеш. Ик литр шолшо вӱдыш 3 кугу совла коштымо нужым пыштыза. Ик шагат наре шинчыктыза да ӱпым шӱалтыза.