Куркума чурий коваштым эрыкташ полша, тыгыде куптыр-влакым пытара.
- Коваште самырыкемже манын, ик изи совла куркумаш ик изи совла шӧрым, тынарак мӱйым пыштыза да сайын лугыза. Коваштым сайын эрыктыза да ты маскым 10-15 минутлан йыгыза. Вара леве вӱд дене шӱалтен колтыза. Тыге арнялан 2-3 гана ыштыза.
- Чурий коваштым эрыкташ манын, кок кугу совла ужар але канде шунрокыш кок чывыштыш куркумам, изишак вӱдым, ик чӱчалтыш эфир ӱйым пыштыза. Чыла сайын лугыза да 10-15 минутлан коваштыш йыгыза. Вара йӱштӧ вӱд дене мушкылтса.