Йолвундаш коваштым пушкыдемдаш манын, пеллитран банкыш бархатцы пеледышым оптыза, ӱмбакыже, банке теммеш, рафинироватлыме ӱйым пыштыза. Тиде вартышым пычкемыш верыште ик арня шинчыктыза. Вара марле гоч шӱрыза да йолвундашыш кечылан кок гана йыгыза. Ӱйым холодильникыште аралыза.
Бархатцы гыч лосьон чурий коваштым самырыкемда. Ик стакан шолшо вӱдыш 2 кугу совла тыгыдемдыме пеледышым пыштыза. 12 шагат шинчыктыза, марле гоч шӱрыза. Ты вӱдыш 1 кугу совла ош аракам, 1 изи совла лимон сокым пыштыза, сайын лугалтыза. Ты лосьон дене чурийым кечылан 2-3 гана йыгыза.