17 сентябрьыште Моско олаште «Московский Марафон» эртен. Стартыш 30 тӱжем еҥ лектын. Спортсмен-влак кок дистанцийыште таҥасеныт: 10 ден 42,2 меҥгыште. Ты таҥасымаште ятыр марий спортсменат лийын.
Маршрут Москва-Сити, Кремль да тулеч моло сылне вер йыр лийын. 42 меҥгым куржмаште икымше верыш Пошкырт кундемысе Калтаса район Калмиямучаш ялыште шочшо да кызыт Санкт-Петербург олаште илыше эрвелмарий ӱдыр Луиза Дмитриева лектын. Кумшо верым Марий Эл гыч Алина Прокопьева налын.