Вес тӱняш кайыше еҥ-влак южгунам лийшаш эҥгек нерген шижтарен кертыт манын, шуко гана колынам, но тымарте тидлан ӱшанен омыл. Шукерте огыл ик оҥай омо кончыш. Пуйто мый моткоч кугу омса ваштареш шогем. Омса рожыш сравочым керме. Ала-молан моткоч изи капан улам, тудым нигузеат налын ом керт. Тыге кужу жап толашем. Трук омса шкеак почылт кая. Тушеч кугу капан, кужу пондашан кочай лектеш да шылтален пелешта:
– Те сравочым молан омса рожеш кодеда? Тыге ышташ огеш лий!
Мый шоҥгыеҥ ӱмбак шымленрак ончальым: тудо мылам шукертак колышо кочамым ушештарыш.
Трук омем лугыч лие. Шинчам почым. Волгалташат тӱҥалын. Ала-можо чонлан каньысырын чучо. Кухньыш вӱдым йӱаш кайышым. Коридорыш лектым да чылт ӧрым: пурымо омса пеле почмо шинча. Сравочшат омса рожешак кодын. Лӱдмем дене пелашемым кычкырышым. Тудо паша гыч варашрак толын. Чот нойымыжлан кӧра сравочымат омса рож гыч лукташ монден улмаш. Юмылан тау, нимогай эҥгек лийын шуктен огыл. Тыге кочам мыйым шижтарен.
Лидия.