10 литр леве вӱдыш 2 литр шовышо шӧрым пыштыза, сайын лугыза да нарынчалгыше лышташыш шыжыктыза.
Тыгак нашатырь спирт полшен кертеш. Тидлан 10 литр леве вӱдыш ик изи совла нашатырь спиртым пыштыза, сайын лугыза да кушкыл ӱмбак шавыза.
10 литр леве вӱдыш ик кугу совла кочмо содым пыштыза да кушкылыш шавыза.
Ковышта таза лиеш
Тӱрлӧ копшаҥге ваштареш валерианке вӱд полша. Тидлан 3 литр вӱдыш ик ате валерианкым, ик кугу совла вишкыде шовыным пыштыза, сайын лугыза. Ты вартышым ковышта ӱмбак шыжыктыза.