Кӱлыт: 400 г кавун, 1 апельсинын шӱмжӧ (тыгыдын пӱчкедыме але мясорубко гоч колтымо), 60 г сакырложаш, 20 г желатин, ванилин, 60 мл вӱд.
Кавуным вӱдыштӧ кӱмешкыже шолтыза але коҥгаште кӱктыза да немырым ыштыза. Желатиным вӱдыш пыштыза да 5 минутлан лӧчыктараш кодыза. Кавун немырыш апельсин шӱмым, ванилиным, сакырложашым ешарыза да шолташ шындыза. Вара желатиным пыштыза. Шолаш пурымо деч ончыч плита ӱмбач налза да, келшыше формыш оптен, холодильникыш шындыза.