Кӱлыт: 750 г кавун, 200 г яшмыкпурса (чечевице), 200 г шампиньон (але кеч-могай вес поҥго), 10 пӱй чеснок, 1 изи совла шинчал, 2 чывыштыш йоҥыштымо шем пурыс, 2 лавр лышташ, пел изи совла йоҥыштымо кочо пурыс, 3 кугу совла нӧшмӱй.
Яшмыкпурсам 12 шагат йӱштӧ вӱдыштӧ кучыман да вӱдым кышкалман. Вес вӱдым темыман да шолташ шындыман. Кӱмеке, яшмыкпурса гыч вӱдым кышкалман. Вара тушко ик кугу совла нӧшмӱйым, шинчалым, пурысым ешарыман. Сайын лугыман.
Кавуным эрыктыман, кокла кугытын пӱчкедыман да тыгыдемдыме чеснок дене пырля формыш пыштыман. Тушко кок кугу совла нӧшмӱйым, шинчалым да пурысым ешарыман, лавр лышташым пыштыман да пудыратыман. 200 гр марте ырыктыме духовкышто 20 минут кӱктыман.
Шампиньоным ныл ужашлан пӱчкедыман. Кавуныш яшмыкпурсам да поҥгым пыштыман, лугалтыман да духовкышто эше 20 минут кучыман.