Кӱлыт: 3 кг кабачок, 500 г кешыр, 500 г шере пурыс, 5 вуй чеснок, 1,5 кг помидор, 2,5 кугу совла шинчал, 100 г сакырложаш, 2 кугу совла йоҥыштымо чили пурыс, 200 мл нӧшмӱй, 100 мл 9%-ан уксус.
Пакчасаскам (чеснок деч молыжым) мушса, пурыс ден кабачокым кӧргыж деч эрыктыза да мясорубко гоч колтыза. Чылажымат кугу каструльыш опталза, тушко шинчалым, сакырложашым, чили пурысым да нӧшмӱйым ешарен, шолаш шындыза. 35-40 минут изи тулышто шолтыза, жапын-жапын пудыратыза. Чарыме деч 5 минут ончыч тыгыдемдыме чеснокым, уксусым ешарыза. Аджикым стерилизоватлыме банкылаш оптен, кӱртньӧ петыртыш дене петырыза.
freepik сайт гыч налме фото.