Тӱрлӧ неле ситуацийыш логалмеке, шукыж годым илыш вийым муаш чот неле. Тыгодым психолог-влак икмыняр каҥашым шотыш налаш темлат.
1. Йыр улшо обстановкым вашталтыза: иктаж у верыш миен толза але вес вере илаш кусныза, ремонтым ыштыза.
2. Спорт дене кылым кучыза, шукырак тарванылза. Иктаж спортклубыш возалтса але йолын шукырак коштса, эрдене куржталза.
3. Эртышым уэш-пачаш ида пургед. Мо лийын, тудо лийын. Ончыкылык илышлан планым ыштыза.
4. Калык коклаште чӱчкыдынрак лийза. Иктаж выставкыш, концертыш миен толза. У палыме-влакым муаш тыршыза.
5. Тӱжвал сындам вашталтыза. Парикмахерскийыш, салоныш кайыза, у вургемым налза.
6. Пӧртыштӧ порядкым ыштыза: уто арверым, вургемым луктын шуыза.
7. Йолташда, лишыл еҥда-влак дене чӱчкыдынрак вашлийза, мутланыза.
8. Кажне кечын пайдале кочкышым ямдылыза: стрессым сеҥаш организмлан шуко вий кӱлеш.
9. Иктаж у сомыллан тунемза.
10. Шкендам аклаш, мокташ, йӧраташ тӱҥалза. Тунам весе-влакат тыгак ыштат.