Фикус полша

Фикус пӧртым уда энергетике деч эрыкта, илыш вийым ешара, маныт. Тудын дене кылдалтше шуко тӱрлӧ ойӧрӧ уло.

  • Фикусым, шоныде, трукышто налыда – сай уверым вучыза.
  • Ты кушкылым пӧлекленыт гын, суртыштыда ласкалык, куан да пиал лийыт.
  • Марлан кайыше да пиалан ӱдырамаш фикусын росотажым марлан кайыдымылан пӧлекла гын, вашке ӱдыръеҥ шке пиалжым муэш.
  • Сӱан кечын пӧлеклыме фикус еш пиалым аралаш тӱҥалеш.
  • Фикусын «игыже» лектын гын – ешыште вашке аза шочеш.
  • Тиде пеледышым ик вер гыч весыш тарватен шындылаш огеш йӧрӧ. Тудын шке верже лийшаш. Кухньышто шинчыше кушкыл ешым нужналык деч арала. Эн сай верлан пачерын кечывалвел-эрвел ужашыже але унам вашлийме пӧлем шотлалтыт. Паша верыште фикус паша лектышым саемдаш полша.
  • Кушкыл вучыдымын кошка але шемемеш – уда событий-влаклан.
  • Фикусым сурт гыч шотдымын луктын кудалташ огеш йӧрӧ: ласкалыкым йомдареда.
  • Мӱшкыраҥаш шонышо ӱдырамашлан икшыван еш деч фикусым налаш кӱлеш. Тыгодым кушкылым вес еҥлан кучаш пуыман огыл.
  • Кушкыл пеледалтын – ешым кугу куан але пиал вучат.