слёт
22-24 сентябрьыште тазалыкым пеҥ-гыдемдыме «Шап» комплексыште школ лесничестве-влакын регион кокласе слётышт эртаралтын.
Тушко Татарстан, Коми, Мордовий, Чуваший, Марий Эл республикла да Ульяновск область гыч 64 школ лесничестве погынен.
Икымше кечын чодыра пашаште ятыр ий тыршыше специалист-влак вич направлений дене занятийым эртареныт. Тушто чодырам шындыме, аралыме, шукемдыме нерген мутланеныт. Тыгак социальный рекламе шотышто мастер-классым эртареныт. Йоча-влак многоборьеште таҥасеныт, шке лесничествышт дене палдареныт. Школ лесничестве-влакым вуйлатыше-влаклан семинар лийын.
Сеҥышыш Кужэҥер район Руш Шой школ лесничестве лектын. Кокымшо верыште – Медведево район Шойбулак ден Татарстан Республик Арск районысо Лесхозский школ-влак. Кумшо верым Морко район Унчо школ лесничестве ден Киров областьысе Яраҥ оласе 2-шо №-ан школ налыныт. Слёт пытымеке, школ лесничестве-влакын аллейыштым шынденыт.
съезд
25-29 сентябрьыште Моско областьысе Левково селаште школ лесничестве-влакын съездышт эрта.
Марий Элын чапшым тушто Эколого-биологический йоча рӱдерын «Великолепный лес» командыже арала. 2022 ийыште тудо «Эн сай школ лесничестве» конкурсышто сеҥышыш лектын.
Йоча-влаклан тӱрлӧ экскурсийым, мастер-классым эртарат, чодыра паша дене утларак палдарат. Съезд жапыште икшыве-влак проектым ямдылат да тудым аралат.
Науко ден
образований
министерствын сайтше гыч
налме фото.