Кӱлыт: 100 г шӱрымӧ торык, 200 мл лай (сливки), 4 кугу совла нӧшмӱй, 4 муно, 175 г сакыр, 250 г ложаш, 1 изи совла кочмо содо, 2 стакан кеч-могай емыж, 200 г ӱмбал, ванилин.
Торыкым, 1 муным да 50 г сакырым сайын лугыза. Тушкак нӧшмӱй ден кок кугу совла лайым пыштыза, вара ложашым да содым ешарыза. Чыла сайын лугыза, руашым салмаш пыштыза, тӱржым нӧлтыза. Руаш ӱмбак емыжым пыштыза.
Ынде заливкым ямдылена. Тидлан кодшо лайым, ӱмбалым, 3 муным, ванилиным 125 г сакыр дене пырля лугыза да емыж ӱмбак опталза. Когыльым 180 градусан коҥгаште чевергымеш кӱктыза. Коҥга гыч лукмек, йӱкшымыжым вучыза да пӱчкедыза.