Емыж когыльо

руашлан Кӱлыт: 200 г ложаш, 50 г сакыр-ложаш, 20 г какао, 130 г ушкал ӱй, 1 муно, ик изи совла разрыхлитель, чывыштыш шинчал.

Кӧргылан: 400 г шӱрымӧ торык, 100 г сакырложаш, 1 муно, 3 кугу совла кукурузо крахмал, 10 г ваниль сакыр, 100 г шемшоптыр, 120 г йошкаршоптыр.

Ложашым, разрыхлительым, сакырложашым, какаом, шинчалым пырля лугыза. Тушко кубик семын пӱчкедыме ушкал ӱйым пыштыза, кид дене чыла сайын нӧштылза. Тушкак ик муным ешарыза. Руашым тыртыш семын ыштыза, пакетыш пыштыза, ик шагатлан морозилкыш чыкыза.

Когыльо кӧргылан свежа але кылмыктыме шоптырым кучылташ лиеш. Кӧргым ямдылаш манын, торыкыш 1 кугу совла крахмалым, ваниль сакырым, муным пыштыза да сайын лугыза. Вес атыште шоптыр ден крахмалым посна варыза.

Морозилке гыч руашым лукса, тёрко гоч нӱжыза да салмаш пыштыза. Ӱмбакыже торык вартышым пыштыза. Кумшо лончо – крахмал дене варыме емыж. Когыльым 180 градус марте ырыктыме коҥгаште 45-50 минут кӱктыза. Коҥга гыч лукмек, когыльым тӱрлӧ емыж, сакыр пудро дене сӧрастараш лиеш.