Кӱлыт: 80 г чыве мокш, 60 г рис, ик помидор, 15 г ушкал ӱй, 2-3 шоган, вӱд, шинчал.
Мокшым, кок-кум ужашлан пайлен, тыгыдын пӱчкедыме шоган дене пырля ушкал ӱйыштӧ жаритлена. Рисым мушкын коштена, ӱйым ешарыме салмаш изиш жаритлена, вара шокшо вӱдым пыштена, пассироватлыме помидорым ешарена да, леведышыж дене петырен, шагат але утларакат изи тулеш шолтена. Тылеч вара пел рисшым салмаш пыштена, тушкак жаритлыме мокшым ешарена, ӱмбакыже – моло рисшым, тӧремдена да, нӧшмӱйым пыштен, духовкыш шындена.