Нерве системым шотыш кондаш, иммунитетым пеҥгыдемдаш манын, Чингисхан шке сарзыже-влаклан пайдале чайым йӱктен, маныт.
Тудым ямдылаш 1 кугу совла чайшудым (душица), 1 кугу совла вӱршудым, 1 кугу совла матрушкам налза, чыла пырля лугыза. 1 литр шолшо вӱдыш 1 кугу совла шудо вартышым пыштыза да 15-20 минут шинчыктыза.
Ты чайым теле гоч йӱаш пайдале. Тудо тыгак инсульт да инфаркт деч аралалташ полша, маныт.