Ты эм 100 чер деч полша, маныт. Тудо вӱргорным, шӱмын пашажым саемда, иммунитетым пеҥгыдемда.
12 пӱй чеснокым налза, эрыктыза, кажне пӱйжым ныл ужашлан пайлыза. Янда кленчаш тыгыдемдыме чеснокым пыштыза, ӱмбакыже кум стакан йошкар аракам темыза. Петыртыш дене петырыза да окнаш кок арнялан шындыза. Кленчам кажне кечын кок гана сайын рӱзалтыза. Кок арня гыч ты эмым марле гоч шӱрыза да шемалге тӱсан янда атыш темыза. Тылзе жапыште кечылан кум гана ик изи совла эмым подылза.