Ӱян коваштылан арбуз маскым ышташ пайдале. Ик муношыш кок кугу совла арбуз сокым пыштыза да сайын лугыза. Эрыктыме коваштыш ты маскым йыгыза, 15 минут кучыза да йӱштӧ вӱд дене шӱалтен колтыза.
Кукшо коваштылан арбуз да кефир маскым ышташ лиеш. Кум совла кефирыш кум кугу совла арбуз папым пыштыза, сайын лугыза. Маскым чурийыш 15 минутлан йыгыза.
Чурий коваште кечыште йӱлен гын, арбуз ден кияр кӧргым икнаре налза, тыгыдын падыштыза да сайын лугыза. Ты вартышым чурийыш 15 минутлан йыгыза, леве вӱд дене шӱалтыза.
Шӱргӧ коваштым ошемдаш манын, кажне эрдене арбуз шӱмын кӧргӧ могыржо дене чурийдам йыгыза.