Скорпион
Сюрпризлан поян ий вуча. Йӧратымашым вашлийыда але иктаж приключенийыш логалыда. Усталык аланыште шкендан мастарлыкдам ончыктен кертыда. Тиде ешартыш оксам ыштен налаш сай йӧн лиеш. Идалык мучко оптимизм шӱлышым аралаш тыршыза. Лекше нелылыкым сеҥаш вий-куатда полша.
Пикшызе
Илышда сай могырыш вашталтеш. У верыш илаш куснаш йӧн лектеш. У паша сайын кая. Воктене улшо еҥ-влак дене тӱткырак лийза. У ийыште тазалыкдам пеҥгыдемдаш манын, спорт дене кылым кучыза. Ешда пелен жапым шукырак эртарыза. Эн кугу шонымашда шукталтеш.
Иргаза
Идалык мучко кыртмен пашам ышташ логалеш. Тӱрлӧ у сомылым шуктымо годым поснак тӱткӧ лийман. Шийвундыда койынак ешаралтеш: шке бизнесым почыда але карьер тошкалтыш дене кӱшкӧ кӱзеда. Паша кокла гыч каналташат жапым муза. Чон ласкалыкдам аралыза. Иктаж у сомыллан тунемаш келшыше ий.
Вӱд йоктарыше
Еш тӱҥ верыште лиеш. Икшывыда шочеш, вес верыш илаш куснен кертыда. Мужырдымо-влак илыш пелашым вашлийыт. Шуко шонымашда илышыш шыҥдаралтеш. Шийвундыда идалык мучко шукемеш. Илышыш вашталтышым пурташ шонеда гын, чолгарак, лӱддымырак лийза.
Кол
Шушаш идалык шуко пиалым сӧра. Май ден июль поснак шуко вашталтышым кондат. Чонлан келшыше сомылым муыда. Йӧратыме еҥымат вашлийын кертыда, окса лектышат куандара. Воктене улшо еҥ-влак сай каҥашым пуэн кертыт. Тазалык идалык мучко сай лиеш.