Рак
Усталык аланыште вияҥаш йӧн лектеш. У шинчымашым налаш, ончыко ончаш тыршыза. Шке интуицийланда ӱшаныза. Окса, йӧратымаш паша сайын каяш тӱҥалыт. Кеҥежым иктаж у верыш каналташ миен толза. Чон-кумыл пашада сай окса лектышым конден кертеш. Тыгак ешыште икшыве шочын сеҥа.
Лев
2022 ийыште сеҥымашыш чӱчкыдынрак шуыда. Пашаште сай вашталтыш вуча. Шке бизнесым почаш келшыше ий. Кугу арверым налме деч ончыч сайын шоналтыза. Ий мучаште шийвундо шукемеш. Ача-ава, йолташ-влак сай каҥашым пуэн кертыт. Интуицийланда ий мучко ӱшанен кертыда.
Ӱдыр
Йӧратымаш кумыл чондам авалта. Ешаҥаш, икшыван лияш келшыше ий. Уло илышым вашталтыше событий вуча. Тудым жапыштыже шекланен веле шуктыза.
У сомылым тӱҥалаш сай жап. Идалык мучко шийвундыдам ешараш шуко йӧн лектеш.
Тазалыкдам шотыш кондаш тыршыза. Шуко шонымашда вучыдымын да писын шукталтеш.
Виса
Ий мучко шуко пашам ышташ логалеш. Тидлан кӧра шийвундыда шукемеш. Идалык тӱҥалтышыште у пачерым налаш, вес верыш илаш куснаш йӧн лектеш. Кеҥежым але шыжым ешыштыда вашталтыш лиеш: икшыве шочеш але у родо ешаралтеш. Вий-куатым погаш манын, чӱчкыдынрак шочмо кундемышкыда миен толза.