1 сентябрьыште Звениговысе лицейыште «Образований» нацпроектын «Современная школа» проектше почеш естествено-научный да технологий шотан «Точка роста» тунемме рӱдерым почыт.
Кызыт Рӱдерым вераҥдаш палемдыме пӧлемым олмыктымо паша кая. Чыла омсам алмаштыме, пырдыж ден туврашым тӧремдымаш кая. Вашке кабинетлаште у мебель лиеш.
Рӱдер кызытсе технике да оборудований дене пойдаралтеш: физике, химий, биологий, экологий, физиологий дене цифровой лабораторий-влак лийыт. Тыгак — ноутбук да МФУ, цифровой микроскоп да тулеч молат.
У «Точка роста» лицеист-влаклан кызытсе образований технологий да методике дене пайдаланаш йӧным ышта, тидыже пӱртӱсыштӧ шанче да технологий областьлаште образованийын сайлыкшым нӧлталаш сай йӧн.