Йошкар-Оласе «ЗУМ» йоча киностудийыш коштшо ӱдыр-рвезе-шамыч Тольятти олаш «Волга-ЮнПресс» йоча да самырык-влаклан журналистике да экранный творчестве XIX тӱнямбал фестивальыш миен коштыныт. Да икмыняр номинацийыште ончыл верыш лектыныт.
Фестивальыш Российын тӱрлӧ регионжо гыч 300 наре самырык корреспондент ден кинематографист ушнен. «История семьи – история Отечества» номинацийыште «ЗУМ» киностудийын «Наследие прадедушки» да «ВЕРА» кок документальный фильмже кокымшо вер дене палемдалтын. «Диалог поколений» номинацийыште «Далёкое близкое» документальный фильм – кокымшо верыште. Тиде номинацийыштак «Таковы условия» игровой фильм кумшо верыш лектын.
Марий Элысе Образований да науко министерствын сайтше гыч налме фото.