12 майыште Москошто Российысе «Знание» обществын III погынжо лийын.
Тушко 83 регион гыч 190 утла еҥ миен. Организацийын у вуйлатышыжлан «Нетология-групп» холдингым да «Фоксфорд» онлайн-сервисым негызлыше, «Лидеры России. Политика» конкурсышто сеҥыше Максим Древальым сайленыт.
«Россия – страна возможностей» АНО-н эскерыше советшын заседанийыштыже Древаль кызытсе жаплан келшыше шинчымашым пуымо технологический платформым темлен. Тидыже Совет Ушемысе просветительский опытлан да йӱлалан эҥертен туныктымо дене кылдалтеш. Элым вуйлатыше В.Путин тиде корным сайлан шотлен, «Знание» обществын пашажым утыр ворандараш да цифровой платформыш савыраш ойлен.
Эскерыше советым РФ Президентын администрацийжым вуйлатышын икымше алмаштышыже С.Кириенко вуйлаташ да ты пашам полышкалышыже-влак дене пырля виктараш тӱҥалеш. Тугеже «Знание» обществе ӱшанле кидыште лиеш.
Эльвира Терентьева.