«Кугарня» газетын пашаеҥже-влак Надежда Моисеева, Алена Яковлева, тӱҥ редактор Эдуард Иманаев дене пырля таче-эрла Москваште «Качественная пресса и перспективы её развития» Деловой форумышто пашам ыштат. Программыште медиаэксперт-влак дене вашлиймаш, паша шотышто каҥашымаш, газет лаштыкым лончылымаш, Интернет сайт дене пашам ыштыме ойыртем дене палдарымаш да молат палемдалтыныт. Тиде форумыштак «Кугарня» газетлан «Золотой фонд прессы 2020» знакым пуэныт.
Ушештарена: форум шошымак лийшаш ыле, но тенийсе пагыт ойыртемлан кӧра кызыт веле эрта.
