Родо-тукым увер
Фильмым войзат
Кодшо рушарнян «Женщины и дороги. Путь к себе» проект почеш Ладога ер йыр автопутешествий тӱҥалын. Тӱҥ шонымашыже – Ленинград область ден Карелийым вияҥдымаште полшышо ӱдырамаш-влак нерген документальный фильмым войзыман. Тудын героиньыже-шамыч завод ден фабрикым, курык паркым, театрым вуйлатеныт, поэтессе улыт, Карелийысе 500 ияш ялым тӱзатеныт. Автопробегын участницыже-влак ер воктенысе ятыр сӧрал вер дене кылдалтыныт.
Ӱярня чучыл-влак
Сыктывкарыште 6 мартыште Ӱярня чучылым ыштыме шотышто конкурс лиеш. Ты кечын Коми Республикыште илыше-влак пайремым кумдан палемдат. Чучыл-влак мотор, калык йӱлалан келшен толшо лийшаш улыт, тыгодым шкешотан техникым, коми калыкын символжо-влакым, экологический материалым кучылтмым шотыш налыт. Паша-влакым вич тӱрлӧ номинацийыште аклат.
«Регион»
Тыгай журнал Коми Республикыште лектеш. Тений тушто «В стиле этно» рубрикыште художник-этнофутурист-влак нерген каласкалат. Январьысе номерыште Коми гыч Юрий Лисовский дене палдарыме, а февральыште Марий Эл гыч Измаил Ефимов нерген ойлалтеш.