Йошкар-Оласе 7-ше №-ан школышто тунемше Всеволод Горячкин «Мы в ответе» Российысе конкурсышто Гран-прим сеҥен налын.
Рвезе «ЗУМ» йоча киностудийыш коштеш, журналист лияш ямдылалтеш.
Ты конкурс самырык журналист да блогер-влак коклаште эртаралтеш.
Тушто 11-17 ияш медиалидер, журналист ден блогер, йоча СМИ-н да телестудийын, тыгак Российысе самырык журналист-влакын усталык ушемыштын еҥже-шамыч шкеныштым тергеныт.
1 июньышто, Йоча-влакым аралыме тӱнямбал кечын, Москосо Сеҥымаш тоштерыште «Мы в ответе» Российысе акций лийын. Тушко конкурсышто сеҥыше-влак ушненыт.
Интернет гыч налме фото.