Могай тӱшка еҥ-влаклан ЖКХ услугым тӱлымӧ годым льгото пуалтеш? Ты йодышлан Йошкар-Оласе прокурорын полышкалышыже А.Михайлова вашешта:
– Южо тӱшка еҥ-влаклан федеральный, региональный да верысе кӱкшытыштӧ ЖКХ услугылан тӱлаш льгото пуалтеш. Но пытартыш кум ийлан парым уло да тидым судебный акт дене пеҥгыдемдыме гын, компенсаций огеш тӱлалт. Парымын молан погынымыжын кугу амал лийын гын, компенсацийым пуат (РФ Илыме кодексын 160-шо статьяжын 1, 3 ужашыже-влак).
Инвалидлан да инвалид йочан ешлан ЖКХ услугылан тӱлымӧ роскотын пелыжым пӧртылтат. Тыгодым счётчик почеш тӱлымӧ услугылан компенсацийым пуымо годым пеҥгыдемдыме норматив кугытым ончат.
I да II группо инвалид-влакын шуко пачеран пӧртысӧ тӱшка погым капитально олмыктымылан взносым тӱлымӧ роскот гыч компенсацийым налаш правашт уло, но пеҥгыдемдыме кугыт деч шукырак огыл.
Кугу Отечественный сарын участникше да боевой действий-влакын ветеранышт ЖКХ услугылан тӱлымӧ роскот гыч пелыжым пӧртылтен кертыт.
Тунемме жапыште тӱшкагудышто илыше тулык да ача-аван попеченийышт деч посна кодшо йоча-влак, тыгак тунемме жапыште ачажге-аважге але шкет ончышо ачам але авам йомдарыше йочалан тӱшкагудышто илыме вер дене пайдаланымылан оксам огыт тӱлыктӧ.