ФНС-ын Марий Элысе управленийже увертара: физический лица-влаклан погылан налогым тӱлымӧ срок 2023 ий 1 декабрьыште лектын.
Тений 2 декабрь гыч пени кажне кечын кушкаш тӱҥалеш. Тыгай годым Управлений налогым тӱлаш кӱлмӧ нерген йодын колта. Палемдыме кечылан парымым тӱлаш огыл гын, налоговый орган судыш пуа. Варажым парымым суд пристав-влак йодаш тӱҥалыт (банкысе счётым блокироватлен, погым арестоватлен, йотэлыш каяш чарен кертыт).
Парым уло але уке нерген уверым пален налаш манын, управленийын подразделенийыштыже, тыгак Россий ФНС-ын www.nalog.gov.ru сайтысе «Личный кабинет налогоплательщика для физических лиц» сервисыштыже да www.gosuslugi/ru порталыште пален налман.
Налогым мӧҥгӧ гыч лекде тӱлаш лиеш:
– «Личный кабинет налогоплательщика для физических лиц» сервисыште;
– Россий ФНС-ын официальный сайтысе «Уплата налогов и пошлин» сервисше гоч;
– «Налоги ФЛ» мобильный приложений гоч;
– Кугыжаныж да муниципал услуго-влак единый порталысе Личный кабинет гоч;
– банк-влакын мобильный приложенийышт гоч.
Интернет гыч налме фото.