2023 ийлан кундемыштына 48 общественный верым да 29 кудывечым шотыш кондышаш улыт.
Национальный ден федеральный проект-влакым илышыш шыҥдарыме нерген РФ Правительствын комиссийын эртарыме президиумын заседанийыштыже ойленыт. Тушко Марий Элым Вуйлатыше Ю.Зайцеват ушнен.
Республикыштына проект паша-влак график почеш шукталтыт. Мутлан, «Формирование комфортной городской среды» проект почеш тений 92 кумдыкым шотыш кондымо, вес ийын 77 кумдык ачалалтшаш. Тылеч посна «Чистая вода», «Оздоровление Волги», «Спорт – норма жизни» да моло проект-влак жапыштыже да сайын шукталтыт. Тидыжым вуйлатыше шкежак эскера.