Йошкар-Оласе у автовокзалын вучымо залыштыже Россий Банк «Жап да окса» фотоэкспозицийын ик ужашыжым калык ончыко луктын.
Ончерыште толшо-влакым оксам кондыштарыме тӱрлӧ йӧн дене палдарат. Тӱрлӧ жапыште (оксам шонен лукмо жап гыч тӱҥалын, кызытсе марте) шергакан сатум да оксам кычкыме имне, пий да пӱчӧ дене, теҥыз гоч, кӱртньӧгорно да автомобиль транспорт дене шупшыктеныт.