Марий Элым Вуйлатыше Ю.Зайцевын кӱштымыж почеш «Единый Россий» партийын Марий Элысе пӧлкажын секретарьже, Марий Эл Республикысе Правительстве Председательын икымше алмаштышыже Е.Кузьмин Запорожский областьысе подшефный Куйбышевский районыш миен коштын.
Тудо тусо шуко пачеран пӧртыштӧ леведышым ачалыме да Розовский полиций пӧлкам олмыктымо сомылым терген. Ты пашалан Марий Эл вуйын шога.
Е.Кузьмин тыгак «Единый Россий» деч боец-земляк-влаклан гуманитарный полышым намиен, нунын дене вашлийын кутырен. Куйбышевский районысо социальный тӧнежлаш инвалидный коляске ден шокшо вургемым пуэн.
Запорожский областьын губернаторын икымше алмаштышыже С.Толмачёв дене вашлиймаште пӱсӧ йодыш-влак шотышто мутланеныт.