Марий Элым Вуйлатыше Ю.Зайцевын кӱштымыж почеш Марий Эл Правительстве Председательын икымше алмаштышыже Е.Кузьмин Запорожский областьысе Куйбышевский районыш миен коштын.
Марий Эл ден Запорожский областьын вуйлатышышт ондак гуманитарный да социальный йодыш шотышто кылым кучаш ойпидышым ыштеныт ыле.
Е.Кузьмин коммунальный инфраструктурым шыже-теле тургымлан тӧрлатыме пашалан ямде улмым терген. Районысо поселений вуйлатыше-влак дене вашлийын. Тушто внутриполитический йодышым веле огыл, тыгак кок регион коклаште образований аланыште кылым кучымо да Запорожский областьыш Марий Элыште ыштен лукмо сатум колтымо шотышто каҥашеныт.
Тылеч посна Куйбышевский районышто илыше-влаклан дефицитан бытовой сатум, ончыкылык первоклассник-влаклан тунемме пособийым да моло арверым пуэныт.
Е.Кузьмин дене пырля тыгак Марий Эл Республикын ялозанлык да продовольствий министрже А.Кондратенко, «Единый Россий» партийын региональный исполкомжым вуйлатышын сомылжым жаплан шуктышо А.Волков, ПГТУ-н доцентше А.Баев миен коштыныт.
Марий Эл Республикым вуйлатышын администрацийжын информаций паша пӧлкажын уверже негызеш ямдылыме.