Аджарски семын хачапури
Кӱлыт: 400 г ош ложаш, 250мл шӧр, 2 кугу совла нӧшмӱй, 1 изи совла кукшо дрожжи, пел изи совла шинчал, пел изи совла сакыр.
Хачапури кӧргылан кӱлыт: 450 г сулугуни сыр, 2 муноптем, 50 гр ушкал ӱй.
Ложашым шоктыза, тушко сакырым, шинчалым кукшо дрожжим ешарыза. Сайын варыза. Шокшо шӧрым ложашыш эркын оптыза, тыгодым вилке дене пудыратен шогыза. Тылеч вара нӧшмӱйым ешарыза да руашым нӧштылза. Тудым ик шагатлан шокшо верыш кораҥдыза. Руаш кӱзымӧ годым хачапури кӧргылан сырым тёрко гоч нӱжен ямдылыза. Тудым кок хачапурилан пайлыза да посна мискыш пыштыза. Тыгодым руашым тыгак кокытлан пайлен, тыртыш семын комым келыштарыза. Кок могыр ком тӱрыш сырым шавалтыза да пӱтырыза. Тыге хачапурим пуш семын келыштарыза. Покшекыже адак сырым пыштыза. Левыктыме ӱй дене хачапури тӱрым йыгыза да 180 градус марте ырыктыме духовкыш 15-20 минутлан шындыза. Лукмо деч ончыч покшеке муноптемым, йырым-йырже ӱй кусок-влакым пыштыза. Хачапурим шокшынек кочман.