Ресторатор Иван Антропов кочкаш шолтымо нерген YouTube-каналыште палдара.
Тудым Йошкар-Олаште «Теплая речка» трактирым почшо семын палат. Кызыт пӧръеҥ Интернетыште у проектше почеш, марий, руш да финн-угор калыкын кочкышыштым ышташ тӱҥалеш. Шолташ утларакше верысе кочкышым кучалташ тырша. Видео-влак каналыште арняш кок гана лекшаш улыт.
Икымше видеороликыште Антропов мераҥым пареҥге да поҥго дене тушитлен. Ресторатор палемден: моло выпускышто тудо кайык шылым шукырак кучылташ тӱҥалеш.